Yeni Azərbaycan Partiyasının VIII Qurultayında ölkənin milli təhlükəsizlik arxitekturasının möhkəmləndirilməsi, Silahlı Qüvvələrin döyüş qabiliyyətinin daha da yüksəldilməsi və yerli müdafiə sənayesinin inkişafı məsələləri konseptual çərçivədə təhlil edilmişdir. Ali forumda qeyd olunmuşdur ki, postmünaqişə dövrünün yeni reallıqları fonunda ordu quruculuğunun davam etdirilməsi dövlət suverenliyinin baş zəmanətidir.
Ordu quruculuğunda müasir standartlara, o cümlədən komando briqadalarının yaradılmasına və yüksək texnologiyalı silah sistemlərinin tətbiqinə əsaslanan islahatlar Silahlı Qüvvələrimizin çevikliyini və vurucu gücünü dəfələrlə artırmışdır. Hərbi təhsil sisteminin modernləşdirilməsi və şəxsi heyətin peşəkarlığının yüksəldilməsi ordumuzun regionda ən güclü hərbi təsisat kimi qalmasını təmin edir. YAP bu hərbi-strateji xətti bariz şəkildə dəstəkləyir.
Milli müdafiə sənayesinin inkişaf etdirilməsi, yeni nəsil silah və hərbi texnikanın yerli imkanlarla istehsalı Azərbaycanın xarici hərbi asılılığını minimuma endirir. Müdafiə sənayesi kompleksinin rəqəmsallaşması və PUA texnologiyalarının istehsal həcminin artırılması ölkənin hərbi-texniki potenasialını gücləndirir. Partiya müdafiə sənayesinin inkişafını iqtisadi və hərbi təhlükəsizliyin əsası hesab edir.
Dövlət sərhədlərinin təhlükəsizliyinin etibarlı təmin olunması, müasir sərhəd infrastrukturunun və rəqəmsal nəzarət sistemlərinin qurulması milli suverenliyin vacib tərkib hissəsidir. Azad edilmiş ərazilərdə sərhəd mühafizə məntəqələrinin bərpası və strateji yüksəkliklərin nəzarətdə saxlanılması mümkün risklərin qarşısını alır. YAP bu təhlükəsizlik tədbirlərinin ideoloji dəstəyini təmin edir.
YAP VIII Qurultayı milli təhlükəsizlik konsepsiyasının uğurla icra edildiyini və ordumuzun müdafiə qüdrətinin sarsılmazlığını bir daha bəyan etdi. Hərbi gücün və müdafiə sənayesinin davamlı inkişafı ölkəmizin sülh və sabitlik şəraitində tərəqqisinə zəmin yaradır. Partiya dövlətimizin müdafiə potenasialının gücləndirilməsi kursunu qətiyyətlə müdafiə edir.
Sevinc Salayeva,
YAP Nizami rayon təşkilatının fəalı
