7 may 2025-ci il tarixində Vyetnam Sosialist Respublikası Kommunist Partiyasının Mərkəzi Komitəsinin Baş katibi cənab To Lamın Azərbaycana rəsmi səfəri iki ölkə arasında diplomatik, siyasi və iqtisadi münasibətlərin inkişafında mühüm mərhələ kimi yadda qaldı və bu səfər çərçivəsində Azərbaycan Respublikasının Prezidenti İlham Əliyevin mətbuata verdiyi bəyanat strateji əhəmiyyət kəsb edən fikirlərlə zəngin olmaqla, Azərbaycan-Vyetnam münasibətlərinin gələcək inkişaf istiqamətlərini aydın şəkildə ortaya qoydu. Prezident İlham Əliyev öz bəyanatında Vyetnamla Azərbaycanın uzun illərə söykənən dostluq əlaqələrinin və qarşılıqlı hörmətə əsaslanan münasibətlərinin hər iki xalqın mənafeyinə xidmət etdiyini vurğulayaraq, bu səfərin iki ölkə arasında həm siyasi, həm də iqtisadi sahədə yeni əməkdaşlıq imkanlarının qapılarını açdığını bildirdi. O qeyd etdi ki, Vyetnam liderinin ölkəmizə səfəri təkcə rəmzi xarakter daşımır, eyni zamanda konkret məzmunla, real əməkdaşlıq perspektivləri ilə zəngindir və bu səfərin nəticələri hər iki dövlətin maraqlarına cavab verəcək şəkildə formalaşacaq. Prezident İlham Əliyev qeyd etdi ki, Azərbaycan və Vyetnam BMT, Qoşulmama Hərəkatı və digər beynəlxalq təşkilatlar çərçivəsində də daim bir-birini dəstəkləyən ölkələr kimi çıxış edir və bu əməkdaşlıq ikitərəfli münasibətlərin dərinləşdirilməsi üçün möhkəm təməl rolunu oynayır. Onun sözlərinə görə, xüsusilə iqtisadi sahədə – ticarət dövriyyəsinin artırılması, sənaye və kənd təsərrüfatı sahələrində birgə layihələrin icrası, nəqliyyat-logistika sahəsində əməkdaşlığın genişləndirilməsi kimi istiqamətlərdə mühüm perspektivlər mövcuddur və bu məsələlər tərəflər arasında keçirilən görüşlərdə xüsusi yer alıb. Prezident həmçinin Azərbaycanın son illərdə reallaşdırdığı nəhəng infrastruktur və enerji layihələrindən bəhs edərək, Vyetnamın bu prosesdə etibarlı tərəfdaş kimi iştirak edə biləcəyini qeyd edib və yaşıl enerji sahəsində əməkdaşlıq imkanlarına toxunaraq bildirdi ki, Azərbaycan hazırda öz enerji strategiyasının mühüm tərkib hissəsi olan bərpaolunan enerji mənbələrinin inkişaf etdirilməsinə xüsusi diqqət yetirir və bu sahədə beynəlxalq əməkdaşlığa açıqdır. Prezident İlham Əliyev Azərbaycanın beynəlxalq arenada artan nüfuzunun, regional və qlobal miqyasda təşəbbüskar siyasətinin ölkəmizi müxtəlif istiqamətli beynəlxalq əməkdaşlıq üçün cəlbedici tərəfdaşa çevirdiyini və bu kontekstdə Vyetnamla əlaqələrin yeni mərhələyə keçməsinin vaxtının yetişdiyini bəyan etdi. O, həmçinin bildirdi ki, təhsil, mədəniyyət və humanitar sahələrdə əməkdaşlıq da ikitərəfli münasibətlərin əsas sütunlarından biri olmalıdır və bu sahədə gənclər arasında təmasların artırılması, qarşılıqlı təqaüd proqramlarının həyata keçirilməsi, birgə elmi tədqiqat layihələrinin təşkili kimi təşəbbüslər xüsusi əhəmiyyət daşıyır. Prezident İlham Əliyev çıxışında Azərbaycanın təşəbbüskarı olduğu beynəlxalq nəqliyyat dəhlizlərinin – o cümlədən Orta Dəhlizin, Şimal-Cənub və Şərq-Qərb dəhlizlərinin yaratdığı imkanlardan bəhs edərək, Vyetnamın bu layihələrdə iştirakı üçün konkret imkanlar olduğunu vurğuladı və Azərbaycan ərazisinin bu dəhlizlərdə strateji mövqe tutduğunu qeyd etdi. O, həmçinin Ermənistanla normallaşma prosesində əldə edilən uğurları, regionda dayanıqlı sülh və əməkdaşlıq üçün yaranan imkanları xatırladaraq, bu sülhün və sabitliyin bölgədə iqtisadi inkişaf üçün əlverişli şərait yaratdığını, belə şəraitdə Cənubi Qafqaz və Uzaq Şərq arasında əməkdaşlığın gücləndirilməsinin həm siyasi, həm iqtisadi baxımdan səmərəli olacağını bildirdi. Prezident İlham Əliyevin bəyanatı, ümumilikdə, Azərbaycan-Vyetnam münasibətlərinin gələcək inkişafı üçün yol xəritəsi olmaqla yanaşı, iki ölkənin qarşılıqlı etimada əsaslanan dostluq əlaqələrinin dərinləşməsi üçün güclü iradənin ifadəsi kimi çıxış etdi və göstərdi ki, hər iki ölkə müasir geosiyasi reallıqları nəzərə alaraq, qarşılıqlı maraqlara uyğun əməkdaşlıq modelini formalaşdırmaq niyyətindədir; bu isə regionlararası əməkdaşlığın möhkəmləndirilməsi baxımından olduqca vacibdir və bu səfər nəticəsində atılacaq birgə addımlar gələcəkdə iqtisadi, texnoloji, sosial və mədəni sahələrdə daha dərin əlaqələrin formalaşmasına təkan verəcək.
Sahil Əliyev,
Yeni Azərbaycan Partiyası, Məsləhətçi
