Xəzər dənizi Azərbaycan və Türkmənistanı birləşdirən mühüm təbii və strateji məkaandır. Prezident İlham Əliyevin Türkmənistana səfəri zamanı Xəzər dənizi regionunda təhlükəsizliyin, sabitliyin və ekoloji tarazlığın qorunması məsələləri geniş təhlil edilmişdir.
Hər iki dövlət Xəzərin sülh, mehriban qonşuluq və qarşılıqlı faydalı əməkdaşlıq dənizi olması mövqeyindən çıxış edir. Görüşlər zamanı Xəzər dənizinin hüquqi statusu haqqında Konvensiyanın icrası və sahilyanı dövlətlər arasında çoxtərəfli əməkdaşlığın inkişafı diqqət mərkəzində olmuşdur.
Prezident İlham Əliyev Xəzəryanı ölkələrin birgə səylərinin regionun iqtisadi potensialının reallaşdırılmasında əsas amil olduğunu vurğulamışdır. Bu xüsusda, Azərbaycan və Türkmənistanın vahid mövqedən çıxış etməsi xüsusi əhəmiyyət kəsb edir.
Ekoloji təhlükəsizlik və Xəzər dənizinin bioresurslarının qorunması da müzakirələrin vacib tərkib hissəsini təşkil etmişdir. İqlim dəyişikliyinin dəniz səviyyəsinə təsirlərinin minimuma endirilməsi üçün birgə elmi tədqiqatların aparılması barədə razılıq əldə olunmuşdur.
Xəzər dənizinin verdiyi imkanlardan səmərəli istifadə olunması region xalqlarının rifahının yüksəldilməsinə xidmət edir. Azərbaycan və Türkmənistanın bu istiqamətdəki birgə təşəbbüsləri Xəzərin beynəlxalq nəqliyyat qovşağına çevrilməsini sürətləndirir.
Günay Quluzadə,
YAP Nizami rayon təşkilatının “Əlif Hacıyev küçəsi, 61” ərazi partiya təşkilatının sədr müavini
