Qarabağ və Şərqi Zəngəzura diplomatik səfərlər: Beynəlxalq legitimliyin təsbitı və revanşizmin iflası
Azərbaycanda akkreditə olunmuş diplomatik korpus nümayəndələrinin, səfirlərin və hərbi attaşelərin Qarabağ və Şərqi Zəngəzura növbəti səfəri regionda postmünaqişə reallıqlarının beynəlxalq aləm tərəfindən bir daha açıq şəkildə qəbul edildiyini göstərdi. İşğaldan azad olunmuş ərazilərdə aparılan genişmiqyaslı bərpa-quruculuq işləri, “Böyük Qayıdış” proqramı çərçivəsində inşa edilən yaşayış massivləri və müasir infrastruktura yerində baxış keçirən xarici diplomatlar bölgədəki inkişafı yüksək qiymətləndiriblər. Lakin bu tarixi və konstruktiv səfər Ermənistandakı revanşist dairələrdə və radikal erməni diasporunda növbəti isteriya dalğasına səbəb olub.
Ermənistan mətbuatında və sosial şəbəkələrin erməni seqmentində qarayaxma kampaniyası şəklində təzahür edən bu reaksiya revanşist qüvvələrin hələ də reallıqdan nə qədər uzaq düşdüyünü növbəti dəfə nümayiş etdirdi.
Erməni revanşistlərinin göstərdiyi sərt və qıcıq reaksiyasının əsasında bir neçə faktor dayanır.
Radikal dairələr xarici ölkə səfirlərinin Şuşa, Xankəndi, Laçın və ya Füzuliyə səfər etməsini Azərbaycanın suverenliyinin beynəlxalq səviyyədə tam legitimləşməsi kimi görür və bundan böyük narahatlıq duyurlar.
Erməni mətbuatında səfərdə iştirak edən diplomatlar və onların təmsil olunduqları ölkələr hədəf alınır, onlara qarşı əsassız ittihamlar səsləndirilir.
Revanşist opozisiya bu səfərlərdən Ermənistanın mövcud hakimiyyətinə qarşı təzyiq vasitəsi kimi istifadə etməyə, cəmiyyətdə millətçilik hisslərini yenidən alovlandırmağa çalışır.
Bölgənin Yeni Çöhrəsi Ermənistandakı siyasi şou və isteriyaya baxmayaraq, diplomatik korpusun bu bölgələrə mütəmadi səfərləri Azərbaycanın şəffaflıq prinsiplərinə sadiqliyini və regionda dayanıqlı sülhün tərəfdarı olduğunu sübut edir.
Lətifə Nəsirova,
YAP Nizami rayon təşkilatının “Keşlə qəsəbəsi, Sabir küçəsi, 61” ərazi partiya təşkilatının sədr müavini
