COP 29 beynəlxalq konfransını da biz yüksək səviyyədə keçirəcəyik, bu, ölkəmizin, xalqımızın növbəti böyük uğuru olacaq

Dekabrın 15-də BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29- cu sessiyasının  COP 29-un gələn il ölkəmizdə keçirilməsi ilə əlaqədar  Azərbaycan Respublikasının  Prezidenti  İlham Əliyevin  sədrliyi  ilə  müşavirə  keçirilib. Bir neçə gün bundan əvvəl ölkəmiz növbəti  böyük  uğura imza atmışdır, COP 29 beynəlxalq  konfrans  Azərbaycanda, Bakıda keçiriləcək. Bu qərarı  bütün dünya ölkələri  bir  neçə  gün bundan əvvəl  qəbul etmişdir, və  beləliklə  Azərbaycan növbəti dəfə böyük  etimad  və  böyük  hörmət  göstərilmişdir. Biz  buna  layiqik, biz  apardığımız  siyasət  nəticəsində  dünya  miqyasında  çox güclü mövqelərə  sahib  olmuşuq. Azərbaycana beynəlxalq  aləmdə  olan  hörmət  günbəgün artır və biz bu hörməti  öz  əməlimizlə, işimizlə, siyasətimizlə  qazanmışıq. Bizim  müstəqil  siyasətimiz, prinsipial mövqeyimiz, beynəlxalq  hüquqa  bağlılığımız, sədaqətimiz  və  eyni  zamanda, ölkə  ərazisində  suverenliyin  bərpa  edilməsi bizə  olan  hörməti  daha  da  artırdı. Onu da bildirməliyəm ki, Bakıda COP 29 konfransının keçirilməsi beynəlxalq aləmin hər bir üzvünün  razılığı ilə mümkün olmuşdur.

Biz  Qoşulmama  Hərəkatına  dörd  il  ərzində  uğurla  sədrlik  edirik  və  burada  da  bizim  sədrliyimiz  120  ölkənin  dəstəyi  ilə  mümkün  olmuşdur, hətta  sədrliyimiz  bir  il  uzadılmışdır. Bu, artıq  böyük  bir  göstərici  idi. Dünyanın  120 ölkəsi Azərbaycana  öz  dəstəyini  ifadə  etmişdir. Bu dəfə isə bütün dünya ölkələri bu dəstəyi  göstərmişdir.

İrimiqyaslı beynəlxalq  tədbirlərin  keçirilməsi  təbii ki, üzərimizə  böyük  məsuliyyət  qoyur. Ancaq  biz bu  günə  qədər  bir  çox  beynəlxalq  tədbirlər   keçirmişik. Hətta bu il Beynəlxalq Astronavtika Konqresini böyük  müvəffəqiyyətlə  keçirmişik.  COP 29 beynəlxalq konfransını da biz yüksək səviyyədə keçirəcəyik, bu, ölkəmizin, xalqımızın növbəti böyük uğuru olacaq. Eyni  zamanda  Azərbaycan neft-qaz  ölkəsi  kimi  bu  sahədə  də  özünü  göstərəcəkdir  və  dünyada  hər  kəs  bir  daha  görəcək  ki, bizim gündəliyimiz  yaşıl  enerji  ilə bağlıdır. Yaşıl  enerji  növlərinin  yaradılması  və  yaşıl  enerjinin  dünya  bazarlarına  nəqli  hazırda bizim enerji  siyasətimizin  prioritetidir. Bu, reallıqdır  və  bütün  dünya  bunu  bir  daha  görəcək.

Nəsirova Ofelya,
KBTRL- nin tarix müəlliməsi