Azərbaycan Xalq Cümhuriyyəti dövründə təhsilin inkişafına xüsusi diqqət yetirilirdi. Xalqın maariflənməsi və milli kadrların hazırlanması dövlət siyasətinin əsas istiqamətlərindən biri idi. Bu məqsədlə mühüm qərarlar qəbul olunurdu.
1918-ci ildə məktəblərin milliləşdirilməsi haqqında qərar qəbul edildi. Tədrisin ana dilində aparılması milli təhsilin inkişafına böyük təkan verdi. Bu addım xalqın milli şüurunun formalaşmasına mühüm təsir göstərdi.
1919-cu ildə Bakı Dövlət Universitetinin yaradılması Azərbaycan tarixində mühüm hadisə oldu. Universitetin açılması ölkədə ali təhsilin inkişafı üçün yeni mərhələ yaratdı. Burada müxtəlif sahələr üzrə peşəkar kadrların hazırlanmasına başlanıldı.
Universitetin fəaliyyəti elm və təhsilin inkişafına böyük töhfə verdi. Gənclər yüksək təhsil almaq və ölkənin inkişafına xidmət etmək imkanı qazandılar. Bu, milli ziyalı nəslinin formalaşmasına şərait yaratdı.
Azərbaycan Xalq Cümhuriyyəti dövründə yalnız universitet deyil, digər təhsil müəssisələrinin yaradılması istiqamətində də işlər görülürdü. Maarif və mədəniyyət sahəsinə göstərilən diqqət ölkənin inkişafına xidmət edirdi.
Bu gün Bakı Dövlət Universiteti Azərbaycanın ən nüfuzlu ali təhsil ocaqlarından biridir. Universitet xalqımıza savadlı və vətənpərvər gənclər yetişdirməyə davam edir.
Sevinc Əliyeva,
YAP Nizami rayon təşkilatının fəalı
