Böyük Qayıdış və Şuşanın parlaq gələcəyi   

Azərbaycan dövlətinin həyata keçirdiyi “Büyük Qayıdış” proqramı işğaldan azad edilmiş torpaqlarımızda yeni həyatın təməlini qoyur. Bu möhtəşəm prosesin mərkəzində dayanan Şuşa şəhəri bu gün sürətlə inkişaf edərək dirçəlir.

8 noyabr Şuşa Şəhəri Günü qeyd olunarkən yalnız keçmişin qələbəsi deyil, həm də gələcəyin parlaq perspektivləri müzakirə edilir. Şuşada aparılan bərpa və quruculuq işləri şəhərin əvvəlki şöhrətini qat-qat üstələyən müasir simasını formalaşdırır. Qədim sakinlərin öz doğma evlərinə qayıtması üçün bütün zəruri şərait yaradılır. Şuşada yeni yaşayış binaları, fərdi evlər və müasir sosial obyektlər inşa edilir. Şəhərin iqtisadi və turizm potensialı hər keçən gün daha da artırılır.

Dövlət başçısının müvafiq sərəncamları ilə Şuşa şəhərinə xüsusi status verilmişdir ki, bu da onun inkişafını sürətləndirir. Şuşada keçirilən beynəlxalq tədbirlər, iqtisadi forumlar və festivallar şəhərin dünya miqyasında tanınmasını təmin edir.

Turizmin inkişafı üçün yaradılan müasir infrastruktur turistlərin axınını hər il daha da artırır. Şuşanın təmiz havası, dağ turizmi üçün əlverişli imkanları və ecazkar təbiəti onu cəlbedici məkana çevirir.

Gənc nəsil Şuşanın gələcək inkişafında fəal iştirak edərək ölkəmizin tərəqqisinə töhfə verir. 8 Noyabr – Şuşa Şəhəri Günü gənclərimiz üçün Vətənə sədaqət və quruculuq əzminin rəmzidir. Şəhərdə tikilən məktəblər, uşaq bağçaları və mədəniyyət mərkəzləri gələcək nəsillərin rifahına xidmət edir. Şuşanın küçələrində uşaqların səsi eşidilir, həyat bütün çətinlikləri geridə qoyaraq yenidən qaynayır. Azərbaycan xalqı bu qələbəni qorumaq və onu daha da möhkəmləndirmək üçün birlik nümayiş etdirir.

Şuşa şəhəri artıq təkcə keçmişin xatirəsi deyil, həm də qüdrətli Azərbaycanın parlaq gələcəyidir. İşğal dövründə viran qoyulmuş torpaqlarda yenidən qurulan hər bir bina dövlətimizin gücünü göstərir. Azərbaycan hərbçilərinin və qurucularının fədakarlığı sayəsində Şuşa cənnət guşəsinə çevrilir.

Şuşa Şəhəri Günü ərəfəsində şəhərdə yeni layihələrin təməli qoyulur və açılışlar baş tutur. Beynəlxalq ekspertlər Şuşada aparılan bərpa işlərini yüksək qiymətləndirirlər. Şuşa şəhəri gələcəkdə dünyanın ən qabaqcıl və yaşıl şəhərlərindən birinə çevriləcəkdir.

Ekoloji tarazlığın qorunmasına və “yaşıl enerji” zonası konsepsiyasına Şuşada xüsusi diqqət yetirilir. Şəhərin işıqlandırılması və kommunikasiya xətləri tamamilə müasir ekoloji tələblərə cavab verir.

Şuşalılar öz doğma yurdlarına qayıtdıqca burada əsl el-oba ab-havası bərqərar olur. Hər il 8 noyabrda Şuşada keçirilən bayram tədbirləri bütün ölkədə böyük coşqu ilə qarşılanır.

Azərbaycan xalqı bu günü həm qürur, həm də gələcəyə böyük inam günü kimi qeyd edir. Şuşanın azad olunması ölkəmizin qarşısında yeni inkişaf üfüqləri açdı. Bu qələbə Azərbaycanın iqtisadi, siyasi və mədəni sahələrdə mövqelərini daha da gücləndirdi.

Şuşa şəhəri hər zaman Azərbaycanın suverenliyinin və əbədi qüdrətinin simvolu olaraq qalacaq. Gələcək nəsillər azad Şuşada yaşamaqdan və oxumaqdan qürur duyacaqlar.

Şuşa Şəhəri Günü xalqımızın birliyinin və həmrəyliyinin ən gözəl təzahürləridir. Bu qədim şəhər tarixin sınaqlarından şərəflə çıxaraq yenidən ucaldı.

8 Noyabr – Şuşa Şəhəri Günü xalqımızın əbədi Zəfər və qürur salnaməsi olaraq əsrlər boyu yaşayacaqdır.

Aidə Kərimova,
Nizami rayonu 129 saylı məktəbin müəllimi