Ekologiya və ətraf mühitin mühafizəsi sahəsində Azərbaycan ilə Özbəkistan arasında əməkdaşlıq son illərdə yeni məzmun qazanmışdır. Qlobal iqlim dəyişiklikləri fonunda hər iki ölkə ekoloji layihələrin həyata keçirilməsinə xüsusi diqqət yetirir. Yaşıl enerji və ətraf mühitin qorunması istiqamətində təcrübə mübadiləsi aparılır.
Aral dənizi problemlərinin həlli istiqamətində Özbəkistanın həyata keçirdiyi tədbirlər Azərbaycan tərəfindən dəstəklənir. Eyni zamanda, işğaldan azad edilmiş ərazilərimizdə tətbiq olunan “Yaşıl enerji” konsepsiyası qardaş ölkə tərəfindən maraqla izlənilir. Ekoloji tarazlığın qorunması gələcək nəsillər üçün həyati əhəmiyyət daşıyır.
Hökumətlərarası səviyyədə ekologiya sahəsində birgə işçi qrupları fəaliyyət göstərir. Təbii sərvətlərdən səmərəli istifadə və ekoloji təmiz texnologiyaların tətbiqi sahəsində birgə tədbirlər görülür. Bu sahədəki əməkdaşlıq davamlı inkişaf məqsədlərinə xidmət edir.
Ekoloji təhlükəsizliyin təmin olunması hər iki ölkənin prioritetlərindəndir. Azərbaycan və Özbəkistan bu qlobal məsələdə də həmrəylik nümayiş etdirirlər. Birgə səylərlə qorunan təbiət bizim ortaq sərvətimizdir.
Aytac Şahverənli,
YAP Nizami rayon təşkilatının fəalı
