Azərbaycan və Gürcüstan arasında dostluq tarix boyu möhkəm köklərə sahib olmuş, bugünsə bu əlaqələr siyasi, iqtisadi və mədəni sahələrdə daha da inkişaf edir. Hər iki dövlət regionda sabitlik, təhlükəsizlik və iqtisadi rifah üçün əhəmiyyətli rol oynayır.
Azərbaycan və Gürcüstan arasındakı münasibətlərin əsası dərin tarixə dayanır. Orta əsrlərdə iki xalq arasında ticarət yolları üzərində formalaşan əlaqələr müdafiə və mədəni sahələrdə birgə inkişafı stimullaşdırıb. Qafqazın bu iki xalqı təbii olaraq bir-birini tamamlayan özəlliklərə malikdir. Gürcüstanın xristian aləminə mənsubluğu və Azərbaycanın islam çərçivəsindəki dəyərləri bu iki xalq arasında dini tolerantlıq üçün nümunəvi əlaqələr yaradmışdır.
Diplomatik münasibətlər 1992-ci ildə qurulub və o zamandan bəri dostluq prinsiplərinə sadiqdir. Hər iki dövlət GUAM kimi beynəlxalq təşkilatlarda yaxından çıxış edir, regionda birgə layihələri irəli sürür. Regionda təhlükəsizlik sisteminin qurulmasında iki dövlətin əməkdaşlıq vəzifəsi əhəmiyyətlidir. Hər iki ölkə özəlliklə Cənub Qaz Dəhlizi kimi önəmli enerji layihələrində yaxından şətirak edir.
Azərbaycan və Gürcüstan arasındakı iqtisadi münasibətlər enerji və nəqliyyat sahəsində ön plana çıxır. Mədəni sahədə Gürcüstan və Azərbaycan arasındakı əlaqələr mütəmadi olaraq yeni layihələrlə zənginləşir. Hər il iki dövlətin mədəniyyətinin təbliği məqsədilə festivallar, sərgilər və konsert proqramları təşkili əhəmiyyətlidir. Bundan başqa, turizm sahəsindəki çoxtərəfli münasibətlər hər iki xalqı bir-birinə daha yaxın edir. Gürcüstanın dağıtı xizək turizmi və Azərbaycanın tarixi abidələri iki xalq arasında turizm axınını şərait yaradan amillərdir.
Təhsil sahəsində iki dövlət arasındakı münasibətlər özəlliklə son illər artan təqaüd proqramları və öyrənci mübadiləsi vasitəsilə yeni imkanlar yaradır. Hər iki dövlət universitetləri arasında elmi araşdırmalar və birgə konfranslar ətrafında münasibətlər yaradılır.
Azərbaycan və Gürcüstan arasında siyasi əlaqələr, qarşılıqlı dəstək və yaxın əməkdaşlıq əsasında qurulub. Hər iki ölkə bir-birinin suverenliyini və ərazi bütövlüyünü dəstəkləyir. Gürcüstan, Azərbaycanı Qarabağ münaqişəsində dəstəkləyir və hər iki ölkə birgə regional təhlükəsizlik məsələlərində əməkdaşlıq edir. Azərbaycan və Gürcüstan arasında mədəniyyətlərarası əlaqələr də çox güclüdür. Hər iki ölkənin mədəniyyətində bir-birinə təsir edən amillər mövcuddur. Azərbaycan və Gürcüstanın xalqları arasında qarşılıqlı ziyarətlər, mədəniyyət festivalları, incəsənət nümayişləri və təhsil sahəsində əməkdaşlıq mühüm rol oynayır. Azərbaycan və Gürcüstan, regional təhlükəsizlik məsələlərində də sıx əməkdaşlıq edirlər. Hər iki ölkə, xüsusən də NATO ilə əlaqələrinin inkişafına, eləcə də regional sabitliyin təmin olunmasına önəm verir. Azərbaycanın və Gürcüstanın birgə həyata keçirdiyi hərbi təlimlər, müasir hərbi texnologiyaların tətbiqi və regional təhlükəsizlik məsələlərində birgə mövqedən çıxış etmələri mühüm əhəmiyyət daşıyır. Azərbaycan və Gürcüstanın gələcəkdəki əməkdaşlıq perspektivləri çox ümidvericidir. Hər iki ölkə həm regional, həm də beynəlxalq səviyyədə müasir çağırışlara uyğun birgə fəaliyyət göstərmək niyyətindədir. Bu əməkdaşlıq, xüsusilə enerji, nəqliyyat, ticarət, təhlükəsizlik və mədəniyyət sahələrində daha da möhkəmlənəcəkdir.
Azərbaycan və Gürcüstan arasında dostluq və əməkdaşlıq modeli regionda müsbət nümunədir. Tarixi, siyasi, iqtisadi və mədəni sahələrdə əlaqələr regionun ümumi rifahı üçün vacibdir. Geosiyasi önəmə malik bu iki qonşu dövlət dostluq köprüsünü gücləndirərək gələcəyə daha ümidli baxır.
İslam Bafadarov,
Yeni Azərbaycan Partiyasının məsləhətçisi
